Expressbank olaraq Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin dəstəyi ilə Uşaqların Beynəlxalq Müdafiəsi Günü münasibətilə 44 Günlük Vətən Müharibəsi şəhidlərinin və qazilərinin övladlarını bir araya topladıq.
Expressbank Vətən Müharibəsində Azərbaycan Ordusunun şanlı qələbəsinin 5-ci ildönümünə həsr olunan “Suverenliyin varisləri” adlı korporativ sosial məsuliyyət layihəsi çərçivəsində Şəhid və qazilərin övladları üçün əyləncəli və maarifləndirici tədbir təşkil etdik.
Tədbir Şəhidlərimizin ruhuna ehtiram bildirən bir dəqiqəlik sükut və ardınca Azərbaycan Respublikasının Dövlət Himni ilə başladı.
Layihə çərçivəsində uşaqlar üçün rəngarəng əyləncə proqramı və maarifləndirici seminar keçirildi. Belə ki, Bankımızın Korporativ Hüquq şöbəsinin rəhbəri Hafiz Bədəlov tədbir iştirakçılarına “Uşaq hüquqları” və “Uşaq hüquqlarının müdafiəsi yolları” haqqında ətraflı məlumat verdi.
Tədbirin yekununda uşaqlara Bank tərəfindən müxtəlif hədiyyələr, habelə milli-mənəvi dəyərlər mövzusunda maarifləndirici kitab dəsti hədiyyə etdik.
Qeyd edək ki, Expressbank hər zaman dövlətimizin mövqeyini örnək götürərək Şəhid övladlarına yönəlik tədbirlərdə aktiv dəstək göstərib. Belə ki, ötən ilin oktyabr ayında YAŞAT fondu tərəfindən İctimai Televiziya və Radio Yayımları Şirkəti ilə birgə təşkilatçılıqla həyata keçirilən “Xeyriyyə Yarmarkası”nda şəhid övladlarının təhsili üçün 30 000 AZN ianə edib.
Expressbank - İşiniz rahat getsin!
